Pagtulong

Pinalabas sa TV ang nakaraang concert sa Araneta para sa bagyong Yolanda. Isinabay na rin doon ang lighting ng giant Christmas tree. Hindi na yata Coke ang sponsor?

Joms: "Kung ako yung nasa Tacloban, maiinis siguro ako pag nakita ko yan?"

Seth: "Anu naman problema mo sa concert?"

Joms: "Eh kasi makikita ko silang nagsasayawan at nagkakantahan eh bakit hindi na lang basta ipunin at ibigay yung pera dun sa mga nasalanta?"

Seth: "Sabagay. Hindi rin naman kasi maiwasan na maraming taong gustong mapansin at magpasikat sa mga ganitong sitwasyon. Buti na lang, naka tshirt lang sila, hindi na kailangan may magarbo pang damit at wala na backup dancers at special effects. Pero yung tshirt hindi ba naging issue sa iyo?

Joms: "Hindi naman. Kasi all proceeds naman daw eh pupunta dun sa donations."

Seth: "All proceeds? Kasama yung capital? Eh paano kunwari kung 100 ang cost of production per tshirt tapus ibinenta ko ng 300, ang idodonate ko yung buong 300? Eh di hindi ko man lang nabawi yung puhunan ko. Hindi naman yata sila papayag nun. Yung mga talent, yung venue, baka sakali nakuha nila ng discounted o pro bono."

Joms: "Hindi eh, all proceeds nga, so ibig sabihin pati yung capital."

Seth: "Eh sana lang pareho sila ng idea ng idea mo tungkol sa all proceeds."

Joms: "Naiinis pa ako sa ibang negosyo na nakikisawsaw dito."

Seth: "Tulad ng?"

Joms: "Ito, yung mga advertisement na part of the sales will be donated to, etc."

Seth: "OK, anu naman meron sa ganun?"

Joms: "Eh kasi parang ginagawa pa nilang strategy para lalong makabenta tapus partial lang naman ang ibibigay nila as donations."

Seth: "Wait, mas issue ka sa concert, may issue ka tungkol sa partial donations, eh paano naman yung mga business na sige, all income will be donated pero hinihikayat naman nila yung mga tao na kumain ng buffet, umorder ng over priced na kape etc. Hindi ba selfish din ang dating nun? Andaming taong nagugutom dun and yet heto ka nagpapakabundat pero nababawasan ang guilt ng kaunti kasi "tumutulong" ka naman?"

Joms: "Hindi naman siguro masama kasi all proceeds naman."

Seth: "Pero yung timing ng pagkain mo ng buffet eh pwede ka naman kumain lang ng sakto lang bakit mo kailangan gumastos nang malaki pwede naman idonate mo na lang? Yung ibang BPO companies nga din tulad ng CVG nagkaroon sila ng survey kung gusto pa ba ng mga taong magcelebrate ng Christmas party o idonate na lang yung budget."

Joms: "Yun, yung mga ganun sana kusa na lang ibinibigay."

Seth: "Eh itong nakita kong picture. Sa totoo lang hindi ko magets anu gusto niyang palabasin aside from the fact napaka awkward ng ginagawa niya and yet people are singing her praises for it.

Paano ko ba ito babasahin para maintindihan ko siya? Eh sa totoo lang andami naman nating nakikitang ganito sa kalsada may bagyo man o wala.

Joms: "Hindi naman kasi siya basta natutulog lang. Sinusubukan nyang makakuha ng attention ng tao na tumulong at huwag basta manuod na lang. Pansinin mo na may takip yung mukha nya, as if ginagaya nya yung mga patay na nagkalat doon. Hindi ba pag may naaksidente sa kalsada at namatay unang tinatakpan yun mukha?"

Seth: "Errr... ok, eh mas productive ba itong ginagawa niya na hihiga siya sa semento sa gitna ng plaza sa maraming taong dumadaan? Bakit hindi na lang siya magsetup ng lamesa na may banner tulad ng ginagawa nang marami? Pareho lang naman sila ng objective. Kung ako lang din aba eh mejo tatakpan ko rin yung mukha ko nang hindi ako makilala? Aba, yung paghiga mo pa lang sa plaza eksena na, hanggang kelan kaya siya andoon siyempre mapapaCR din siya di ba?"

Joms: "Kulang ka lang kasi sa artistic expression"

Seth: "Aminado naman ako dun, pero ito masyadong eccentric na ang dating sa akin kasi mas kapakipakinabang naman yung buhay ka nagsasalita at kumikilos para tumulong kesa umarte ka na kunwaring patay para mapansin."